UYUI YATOA MIKOPO YA JUMLA YA MILIONI 43

Imewekwa: May 8th, 2020

NA TIGANYA VINCENT

HALMASHAURI ya Wilaya ya Tabora (Uyui) imetoa mikopo ya jumla ya shilingi milioni 43 kwa vikundi 13 kwa ajili ya kujiongezea kipato na kuondokana na umaskini.

Mikopo hiyo imekabidhiwa leo na Mkuu wa Mkoa wa Tabora Aggrey Mwanri kwa vikundi vya wanawake, vijana na walemavu.

Mkurugenzi Mtendaji wa Halmashauri hiyo Hemed Magaro alisema  mikopo hiyo imetolewa kwa vikundi 6 vya wanawake ambavyo vimekopeshwa shilingi milioni 19, vikundi 6 vya vijana vimekabidhiwa shilingi milioni 19 na kikundi kimoja cha walemavu kimekabidhiwa shilingi milioni 5.

Amesema mikopo hiyo itavisaidia vikundi hivyo kuchangia katika kukuza uchumi kupitia uzalishaji wa mali.

Mwisho